又一次近況.....
就係呢,我捱得過聖誕,捱得過農曆年,
我都唔諗住捱個情人節,
我唔知到底人地安咩居心,
如果要我走,我唔會留,其實講一句已經足夠,
唔需要同一樣野講幾十次幾百次,
我唔係真係好恨依家,
出年韓國之旅,我未必去得到,
正如我之前講,有遠因有近因,呢條導火線已經燃起,
情人節之前會有最終的結果
由我踩入韓國開始,已經有一年了~~
當中我喜歡過不少,同時亦放棄過不少,
有Super Junior,少女時代,Kara,BEG,2AM,CNBLUE,After School....
Beast已經keep了5個月了!!!在韓流當中算keep得耐了!!!!
喜歡一隊係無得解釋的~
個個都比我細,回想以前在日本時根本係無可能發生的好不好?!
而且我又唔喜歡眼細的男生,但去到韓國真係....連我自己都覺得變左好多!!!(笑)
可能人大左,我睇男生已經唔再要靚仔,我要有型的!!!!
韓國個個男生都好有型的!!!有肌肉!!!
如題,最近心情真係唔太好,好多朋友都聽我呻,聽我講,
但講完之後,都係要繼續向前行,無得揀~~
公司已經唔止內部出現問題,呢個星期竟然連外部都出了問題,
雖然今次外部問題唔係直接關我事,不過都關我內部人事的事,所以都係好唔開心
正如我在fb上講,人生在世,你永遠無可能分得淪邊個係真小人,偽君子,害人,幫你...
不過又應該咁講,人地唔主動害我,只係扮下弱者,其實人地亦無錯,
因為如果係我,我無主動犯人但人地犯我,我都會扮弱~~
(其實人地何錯之有呢?依家冷靜諗番,我開始覺得人地無錯)
道不同不相為謀,正正因為人地唔係我地呢邊,我地會覺得佢奸,佢扮野,但自己呢邊d人唔係咁咩?一樣咁奸,一樣咁扮野
哈哈,我唔想捲入呢單野,但好多時,唔到你揀,如果係企中間,死得仲快,因為兩邊都唔係人,人地第一個一定會整死你先~~
又3個月無寫呢度XDD
近況係....
1)最新歡係SHINee,我最終都踩左去SHINee度ar!!!!之前仲話人地好細個(睇個樣已經知佢地細我最少5年)!!!依家最喜歡係Onew同Key!!!
2)今季日劇只係追得到"失戀保險",因為得20分鐘,好快追得哂~反而韓劇好肯追"男保姆",因為真係好睇,雖然收視唔係好爆,不過簡簡單單真係好好睇~
3)Beast仲o係度,不過呢排佢地少左活動,所以俾SHINee追上XDD但下星期comeback,我又會喜歡番佢地ga na,始終B2ST我都喜歡哂6個~
4)返工俾人激到謝,心力交瘁,我活左25年,第一次俾人激到咁,由好嬲到好灰,再到好嬲,再到好灰.我唔係想死,係想呢條友去死!!!!
差唔多成6個月無再寫呢度....
其實係好耐都無再寫blog了,一個字,懶!
以前會寫低有咩事發生,或者好多年以後睇番,覺得好得意,
但都唔知幾時開始,我的生活慢慢好似無咩好寫,
網舞已經離我好遠了,放低左佢地已經1年?
我自己都唔多記得,放低網舞之後,pick up KAT-TUN,但又係好快,我放低左,或者我始終都係擺脫唔到J家的偏見啦~
由以前點都唔肯入韓國,依家?入去之後係唔肯走啦~
依家睇番真係覺得自己幾恐怖,完全就係以前喜歡網舞o個種啦,
唔使長日子,我要喜歡一個人真係好易,問題係可以keep到幾耐
CNBLUE應該keep左3個月,suju可能係2個月,Kara係好想keep,但最近咁多唔好的新聞,真係好想講句,唔好傷害我女神lo,唔係就算係同隊的我都會討厭
反而係After School keep得最耐wo,我喜歡韓國初期就喜歡佢地,依家仲keep到,最多依家加埋BEAST,唔知BEAST可以keep幾耐,不過成日keep住有得睇斗俊應該都ok ge~~
工作上真係辛苦,走左2個同事,黎左2個同事,走的就真係走左,我唔太知道人係咪一定會咁,話哂大家都係同事一場,之前大家都係朋友丫,會講心事,會出黎玩,但佢地離開左之後就一通電話都唔肯聽,原來次前的感情係假ga.不過好在,我好早之前已經知道人性係咁,痛就唔係太痛,只不過,曾經以為那位同事唔會係咁,但最後...都係o個句啦,人性原來就係咁
80後同90後真係頂佢地唔順,人又懶又蠢又唔肯做,又發脾氣,明明係自己錯,仲發我脾氣,我真係嬲到頂上心口,anyway,我之後就無事.因為當我決定左一樣野時,係無人可以勸到我改變,我份人係好求其,但一踩到我底線,我就一d都唔求其,仲好有原則tim,我擺明唔妥佢咁又點?打份工係要做ga啦,唔做仲發人脾氣無野ar?依家你食屎上腦ar?教你係俾錢你袋,你咁ge態度咪使旨意我會再幫你lo~
慢慢,我生活的重心已經去哂工作同韓國度,每一日俾d同事激心,每一日返到屋企係睇韓國野,慢慢我的blog亦無野好寫了,人係唔係一大個就會咁?
好久都沒寫這一個blog了,
但如果是因為這件事而寫,
我寧願永遠都不寫blog....
上班的時候是不知道發生了這一件事(因為我公司是與世隔絕,沒上網,沒電視,亦沒收音機)
下班的時候聽收音機才知道發生了這樣的一件事,
晚上時間看直播,親眼看著所謂的特種部隊是如何的"特別無種"
由擔心變成憤怒,車上的都是香港同胞,但眼見當地的拯救人員只在走走站站,完全都不是在救人
看電視台直播時還聽到有人說粗口,相信他很擔心,每個香港人都擔心,都緊張,但眼見所謂的拯救行動真是一塌糊塗
最後,人是救了,但事後送到醫院亦傷亡慘重...
願所有在馬尼拉挾持事件遇害的香港安息,傷者盡快康復
